naisalumina man daytoy a duktal dagiti sientista:

Newly discovered planet has 3 suns.

planeta a tallo ti initna? you’ll wonder no kasta met ti lubongtayo. ania ngatat’ kasasaadtayo no tallo wenno ad-adu ti init a pagrikrikusan ti lubongtayo? di kad’ ngata nakapudpudot met? ngem depende met no kua iti distansia dagiti init. ket ania no iti kaadu ti init ket awan no kuan ti rabii ket bin-igen nga aldaw?

iti science fiction, adda nalatak a sarita ni isaac asimov, ti nightfall, maipapan iti maysa a lubong nga adu ti initna a kankanayon nga aldaw. ngem actually, saan a kankanayon. ta iti kada sangaribu a tawen wenno tunggal milenium ket kasla agtutulag dagiti init nga agsasaruno a lumnek ket agpukaw ti lawag, tumpuar ti rabii–maysa laeng met ketdi a rabii. kabutbuteng unay dagiti agindeg iti daydiay a lubong ti nasao a penomenon. agsipud ta mapasamak laeng iti kada 1,000 a tawen ti idadateng ti rabii, awan ti sibibiag a makaibaga iti padasna no kasta a kumutanen ken alun-unenen ti rabii ti lubong. kadagiti agindeg a naruam iti bin-ig nga aldaw, dakkel a didigra daytoy ket kaam-amakda unay.

hmm, spoilers! ala, diakon estoriaen amin ditoy ti pakaestoriaan ti nightfall. basaenyo met, a, ket namnamenyo ti saborna!