makapasakit ti ulo. literally. ta agsakit la ngaruden ti ngipenko a binukbok, di ketdin makakonek iti internet ‘tay kompiuterko idiay balay. very excitedak pay met ta kains-instolda ti internetmi, daytay smart wifi, ‘tay wireless, adda antennana ket kunnotenna ti signalna manipud iti smart celltower. a, ket, mayat, ta umam nga aginternet ta unlimited ken napaspas met ta mabukodam ti mapan a 128 kbps a pegges.

ngem idi kuan bigla a napugsat piman ti koneksion. madi makaala iti ip address ti animal a lancard (nakaconfigure a dhcp wenno automatik a dumawat ti ip), no agrelease ken agrenewka iti ip, ti itedna laeng ket ‘tay automatic private address wenno apipa. no namin-ano a binutbutingtingko ti loko a pc, ukas ditoy, diskonek dita kadagiti kable, lancard, ken no ania la ditan. ngem madi lattan makakonek ti loko ket agririn dagiti ubbing ta didan makaay-ayam iti cartoonnetwork.com. sal-at awan sat’ serbi ti mcp kada bcip (web admin) ken no ania la dita a sertipikasion datao ta diak metten mapagtaray ‘toy bukodko nga internet.

tinawaganmi ti hotline ti smart wifi, a, ket naanus met diay nakatungtongmi a nangibagnos iti rumbeng nga aramiden. ngem ania ngay, isu met laeng dagiti inaramidkon a pamuspusan: ipconfig, ipconfig /release, ipconfig /renew, ping, disable/enable ti lancard, disconnect/connect dagiti kable ti netwotk ken antena. awan latta. agingga a naabbatan ti bateria ti selpon ket napugsat ti saritaanmi iti technical support man ti smart.

ngem siempre, diak kayat, a, ti sumuko, hehe. no di kaya ti tech support, di padasek latta ta di met, aya, techie kada geek datao? hmm, challenge daytoy. ala, sige ngarud, ti la adda a pinadaspadasko ket agsakit ulo ken ngipenko ta pati diay maysa a daan a pc ket madi met latta komonek, isu nga isu ti problema. apay ngata, naisipko, madi ngata, aya, ditoy windows xp?

ket impadasko iti linux systemko, ‘tay kains-instolko a fedora core 4 a pagex-experimentuak. insulluopko diay patchcord iti lancard sako binaliwan ti network configs, from static ip to dynamic ip.

ne, ket mayat met?! nasdaawak ta apay a mayat a komonek iti linux ket madi iti windows xp? something wrong la ketdi ngata iti xp systemko? baka adda nakorap a system files wenno registry entries a mainaig iti network wenno ethernet adapter wenno winsock wenno…?

kimmaro ti atapko a corrupted ti windows xp dagiti dua a pc idi ta pinadasko nga inkonekta iti maysa pay a systemko, ‘tay windows server 2003 a pagprakpraktisak, ne, ket agkonek met!

madi a talaga no windows xp? hmm, formatek sa ket dagitoy animal nga xp ngarud? ngem unayto manen a rigatnan ti agreinstall kadagiti nagadun nga apps nga im-impanko. hm, agriri la ketdi dagitoy ubbingko a maisturbo ti panagay-ayamda ta balbaliwak manen a yinstol dagiti gamesda.

haanen, padasek lattan a tarimnen dagitoy xp ngarud.

ket ania koma pay ti kamangko kadagiti kakastoy a situasion?

google. siempre, google. isu ti saviourko a kanayon kadagiti pagsaksakitan ti ulok iti systems/network administration no kasta nga aglanggong dagiti uggorko a servers ken workstations.

dayta, inkonekko ngarud pay lang ti linux ket sadiay indatagko ti parikutko: “windows xp dhcp cannot get ip address” kunak lang ket addayta nagadun ti timpuar a sites. inklikko ti maysa a link…

Windows XP SP1 Network Problem Solver.

bingo! adda sadiay ti eksakto a parikutko:

If the computer cannot obtain an IP address from a DHCP (Dynamic Host Configuration Protocol) server, like a router using NAT (Network Address Translation), Windows will automatically assign an APIPA (Automatic Private IP Address) in the range:

Class B: 169.254.0.0 - 169.254.255.255
(Subnet mask: 255.255.0.0)

One likely cause is Winsock corruption, caused by adware or a virus.

Winsock corruption

Winsock corruption can be caused by some software installation or, more likely, deinstallation going wrong or by advertising malware. Possible symptoms are:

* The computer can apparently establish an Internet connection, but then you receive no data or cannot send data.
* The computer cannot obtain an IP address from the DHCP (Dynamic Host Configuration Protocol) server and Windows therefore assigns an APIPA (Automatic Private IP Address) like 169.254….

isu dayta, isu la ketdi. hmm, diak pay nakaengkuentro dayta kadagiti network configuration ken network troubleshooting a napaspasarakon, a.

sinurotko ti instructions ket addayta mayaten, yeheyyyy!

hayyy, what a relief!