makapabuisit no maminsan. wenno kanayon. no daytay luktam ti email boxmo ket napnapno iti spam. dagitay aglaklako iti “nalaka” a software. agibarbaratilio iti pildoras a pagpatangken wenno pagpaatiddog ti buto. forwards ti agduduma nga scams ken hoaxes (kas iti nigeria scams kada surat ni bill gates kada pakaammo a nangabakka iti lotto, virus hoaxes, etc), chain emails wenno urban legends (a patpatien met unay dagiti mapatulodan ket addayta, apanda met ipatulod iti amin a linaon ti address bookdan), phishing, kdpy.. nagadu, apo. agduduma. ket no mamatpatika la unay a dika la agpangadua wenno agpanunot nga umuna wenno agsukisok nga umuna ket kagatem ti appan dagitoy nga spammers ken scammers, ay, ket sasaurmonto pay.

ammoyo kadi a minilmilion a doliar ti ak-akupen dagitoy nigerian scammers, kas pagarigan?

ala, ket itinto laengen filipinas, adun ti malokloko babaen la ti cellphone scam.

isu a caiingat kayo.