 |
kas koma ken ni katrina, ti nakapigpigsa a bagyo (hurricane) a nangdarup iti gulf coast ti america. kasla dimo maimagine a dagiti dadakkel a tipikal a ciudad ti u.s. ket gamsawen ken idadanes ti bagyo a kas iti mapaspasamak iti pagiliantayo, kas makitatayo ita a napasamak ken mapaspasamak kadagiti lugar iti lousiana nangruna iti new orleans, iti mississipi ken alabama. umatiberret nga angin ken tudo, aluyo ti baybay, dakkel a layus, narames nga aglawlaw, dadael, patay.
ngem amang a nakaam-amak dagitoy hurricanes nga aggapu iti taaw ti atlantic ngem dagiti bagyo iti pacifico. ni katrina ket immabot iti category 5 a pagrukrukodda idiay u.s., maximum a signal no koma iti filipinas (signal no. 4). immabot iti 175 mph wenno 280 km/h. dagiti bagyo (typhoon) iti filipinas, ti kapigsaan, umabot lang iti mga bassitanna a 200 km/h. kadagiti kapigpigsaan ken kadadaksan a bagyo iti filipinas, adda ketdi immabot iti 260 km/h.
