kaaw-awatko ‘tay inorder a 5 CDs ti ubuntu 5.10 piman. simmangpet met laengen manipud pay idiay isla ti tao a nakaibusonanna. nasurok sa a makabulan a panaguray. ngem sulit met, addan napintas a cd installer ken live cd ti kaudian nga ubuntu a pagexperimentuan. kinapudnona, nabayagen a nadownloadko ti .iso images daytoy 5.10 manipud a mismo iti file mirrors ti ubuntulinux.org. ngem nagorderak latta, a , ta libre la ngarud met (adda lang bayadam iti post office no apanmo sakaen ti packagemo: php30 lang met ti binayadak para iti 5 cd; ad-adu ti bayadam no ad-adu a cd ti orderem ta nadagdagsen no kuan ti package).
ala, ket, experiemntuan man latta ngaruden, a, daytoy 5.10. ti kayatak a maysa ditoy a release ta nairamanen ‘tay latest a release ti openoffice.org a version 2.0. napintas daytoy ooo 2.0 awan dumanan iti ms office. kinapudnona isun ti us-usarek, manmanoakon agaramat iti ms office.
